Charter Document - 03882476
| Charter Number: | 03882476 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | |
| Date: | 1235 - 1247 |
| Date type: | Assigned |
| Resource Link(s): |
Monasterium.net |
Charter:
F diuina miseratione abbas Scotorum Wienne et Ch prepositus Newinburgensis dilecto in christo fratri venerabili plebano in Ouen oraciones et fraternam in domino dilectionem Auctoritate nobis iniuncta a domino papa uobis districte precipimus ut dominum W militem plebesanum uestrum diligentius ammoneatis ut monasterium sancte crucis predia illa que Chunradus de Altah in Pomgarten in Austria illi ecclesie contulit quiete possidere permittat Quodsi contumax sicut hactenus extiterit et uestris et nostris monitis contradixerit mandamus uobis ut in ipsum excommunicationis sententiam fulminetis et ab omnibus christi fidelibus euitari districtius precipiatis alioquin si mandatum nostrum non fueritis executurus uos ab officio et beneficio suspendemus