Charter Document - 03881876
| Charter Number: | 03881876 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | |
| Date: | 1235 - 1247 |
| Date type: | Assigned |
| Resource Link(s): |
Monasterium.net |
Charter:
Venerabili in christo patri ac domino Waciensi episcopo F Scotorum abbas in Wienna et Ch Newinburgensis prepositus et F eiusdem loci decanus iudices a sede apostolica delegati salutem et orationes in domino Commissam accepimus a sede apostolica causam que uertitur inter dominum abbatem sancte crucis in Austria et dominum W de Pest uestre diocesis super quodam predio in Pomgarten et prefixis diebus legitimis et citatis partibus litem dirimere uolebamus Ad primam diem litteras misit excusatorias dictus W sed nos ad instanciam domini abbatis secundam et terciam diem statuimus nec citatus uenit aduersarius nec in die peremptoria uel responsalem misit uel litteras excusatorias Nos uero procedentes secundum formam iudiciariam dominum W pro contumacia excommunicantes possessionem de qua fuit controuersia domino abbati adiudicauimus ipsum in possessionem mittentes causa rei seruande Sed dictus W per amicos suos dominum abbatem intrare possessionem prohibuit uiolenter Auctoritate igitur qua fungimur a sede apostolica mandantes uobis precipimus ut sepedictum W denunciantes excommunicatum ab inquietudine domini abbatis et rerum suarum per censuram ecclesiasticam arceatis