Charter Document - 03880342

Nos Margareta Priorissa totusque conuentus sororum de sancto Petro in Noua ciuitate ordinis fratrum predicatorum constare volumus presencium inspectoribus seu auditoribus vniuersis quod nos quandam partem stupe balnearis que stupa Wirflarii dicitur in vulgari ad quatuor talentorum redditus estimatam que pars sorori Wentle dum adhuc sub patria potestate degeret facta diuisione bonorum quondam Johannis dicti Wurfler mariti sui inter heredes post mortem ipsius cessit in partem quamque dicta soror Wentla ad nos divertens ac religioni se mancipans accedente consensu patris sui Hainrici dicti Lovbl et matris sue Chunegundis atque omnium coheredum suorum quorum intererat donacione libera inter uiuos in nos transtulit pleno iure urgente nos graui pondere paupertatis venerabilibus viris Berchtoldo abbati et conventui sancte crucis in Austria Cisterciensis ordinis cum omni utilitate et fructu ac iuris plenitudine sicut eadem stupa ab Hainrico dicto Wurfler Johanne filio suo quondam ciuibus huius loci et a nobis actenus est possessa de religiosorum virorum fratris Vlrici prioris et totius conuentus fratrum predicatorum Noue ciuitatis consilio et assensu uendidimus pro XXIIII libris denariorum Wiennensium pecunie numerate et in utilitatem ecclesie nostre conuerse de qua summa pecunie confitemur nobis esse plene et integre satisfactum Ut autem vendicionis huiusmodi contractus legitimus perpetue robur optineat firmitatis presens scriptum exinde conscribi et nostro ac predicatorum prioris et conventus predicatorum sigillis fecimus communiri testibus qui dicto contractui intererant subnotatis fratre Vlrico videlicet priore fratrum predicatorum et fratre Pilgrimo Hainrico Leubel iudice predicto et Rudgero fratre suo Dietrico dicto Ysner Martino dicto Visinch Rudolfo Fevtsch Dietmaro Fevtsch Siffrido Zengwein et aliis fide dignis Datum et actum anno domini MCC Nonagesimo Sexto XIII kalendas Septembris feria quarta ieiunii quatuor temporum