Charter Document - 03880336
| Charter Number: | 03880336 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1295 |
| Date type: | Internal, A.D. |
| Resource Link(s): |
Monasterium.net |
Charter:
Ego Vlricus dictus Matzo confiteor per presentes me a religiosis viris dominis Bertholdo abbate et conuentu monasterii sancte crucis cuiusdam puelle Gisele nomine cuius mihi curam assumpsi in solucionem cuiusdam domus in Paden quam ab ipsis iure ciuili possederat decem et octo talenta denariorum Wiennensium integraliter accepisse in vtilitatem iam dicte puellule conuertenda Et quia in contractu vendicionis domus prefate dicta Gisela nondum annos legitime etatis attigerat pro firmitate contractus huiusmodi promisi et sub ypoteca omnium bonorum meorum promitto prefatos abbatem et conuentum ab omni impeticione dicte puelle defendere et tueri ac tam diu seruare indempnes quousque eadem ad annos plene et a iure indulte etatis annos perueniens dictum contractum ratificet omnique actioni renunciet atque iuri si quid sibi in predicta domo competeret aut competere uideretur Qua renunciacione peracta ab obligacione quam feci abbati et conuentui memoratis ex tunc in antea liber ero et presens scriptum mihi restituetur integrum atque saluum In cuius obligacionis mee legitime testimonium et cautelam presens scriptum meo ac avunculi mei domini Ottonis de Haslaw nec non Ottonis de Paden sigillis volui et pecii comuniri Datum in Paden anno domini Millesimo ducentesimo nonagesimo V VIII ydus Marcii