Charter Document - 03880331
| Charter Number: | 03880331 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | German |
| Charter Origin: | Lay |
| Charter Type(s): | Bequest |
| Date: | 1294 |
| Date type: | Internal, A.D., Feast |
| Resource Link(s): |
Monasterium.net |
Charter:
Ich Hadmar von Arnstaein tun chunt an disem brief allen lewten daz ich han geschafft durch got vnd durch miner sel willen hincz dem hoiligen chrevtz ein phunt gult nach minem tod ledichlich mir ze einem ewigen vorchund vnd setz dem vorgnanten chloester vnd der samnung allez daz eigen vnd daz gut daz ich han in dem guten tal daz min gechovftez gut ist daz der abt vnd dev samnung darovf hab an alle irrung miner gerben vntz in min sun Wichart vnd min eidem Rapot von Imtzensdorf ein phunt guter gullt anderswo ovz zaigen nach ir willen Dar vber gib ich dem Chloster datz dem heiligen Chrovtz disen brief mit minem Insigel vnd mit Gezewgen als ich hie benenne Des sint gezevg her Ott vnd her Rapot von Wildekk vnd her Wolfker vnd her dietmar vnd her Ott von dem Roer vnd ander vrum Lewt Ditz ist geschehen nach Christes gebvord vber towsent vnd zwai hundert vnd in dem vierden vber Newntzich Jar an Sand Ambrosii tach