Charter Document - 03880327
| Charter Number: | 03880327 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1293 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos diuina miseracione Wilhelmus abbas monasterii Scotorum sancte Marie virginis in Wienna volumus per presentes ad vniuersorum noticiam pervenire quod cum inter venerabilem dominum abbatem et conuentum sancte crucis a parte vna et virum honestum Heinricum de Gumpoltschirchen cognornento Chvorsner a parte altera questio verteretur super possessionibus subnotatis videlicet vna vinea sita super Staingrveb que seruit II vrnas vini et sex agris qui conputantur pro octo iugeribus et prato vno quod seruit triginta denarios ad predictum monasterium sancte crucis singulis annis in festo beati Michahelis que vniuersa prefatus Heinricus non iusto titulo tenuit hactenus et possedit hic tandem vt suam absolueret conscienciam memoratas possessiones in manus abbatis prenominati vltraneus resignauit quo facto ipsa bona sepe dictus abbas eidem Heinrico ad dies vite tantum sue contulit possidenda sic ut post suum excessum libere redire debeant ad monasterium sancte crucis Insuper accepit ab eodem abbate et conuentu ciuili iure in perpetuum possidenda uel distrahenda siue etiam posteris suis aut amicis quibuslibet pro libitu relinquenda ea que subnotata sunt ante uel post mortem suam saluo iure census annui sancte crucis monasterio persoluendi Bona vero sepe dicto Heinrico collata sunt hec Dimidia vinea sita super Staingrve serviens II vrnas vini Item in Gumpoltschirchen tres curtes in vnum redacte cum tribus hortis similiter advnatis et ager vnus qui seruiunt simul I talentum preter decem denarios Item agri duo qui soluunt tredecim denarios Item ad predictam curiam tres partes vinearum pertinentes que seruiunt II vrnam vini Vtrisque quoque partibus nobis coram positis presens scriptum placuit sigilli nostri robore communiri Datum et actum Wienne anno domini MCCLXXXXIII in die beate Marie Magdalene