Charter Document - 03880326
| Charter Number: | 03880326 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1293 |
| Date type: | Internal, A.D. |
| Resource Link(s): |
Monasterium.net |
Charter:
Ut gesta presentium noticie posterorum certitudinaliter transmittantur opportunum est ea litteris mandare ac testibus roborare Nouerint igitur ad quos presens scriptum peruenerit vniuersi quod ego Fridricus de Altenbvrch filius Andree cognomento Mvffel redditus duodecim solidorum sitos in villa Grvb trans Danubium quos ex hereditate progenitorum meorum iusto proprietatis titulo possedi libere et quiete de consensu ac voluntate coniugis mee Irmgardis ac filie mee Margarete religiosis viris abbati Benzoni et conuentui monasterii sancte crucis pro sedecim talentis denariorum wiennensium venundedi omni iure quo tenui perpetuo possidendos promittens et obligans me vna cum consobrino meo Rudolfo milite de Arwaiztal omnem deffensionem eisdem fideliter et plenarie secundum formam ac terre consuetudinem exhibere Ad predictorum igitur robur et memoriam sempiternam presens instrumentum conscribi feci sigillis dominorum Ottonis et Chadoldi fratrum de Haslowe quasi gemino munime roboratum Testes sunt dominus Albero Stvehsso Stephanus Stvechsso dominus Heinricus de Haslow dominus Gotfridus de Wildungesmavr et magister Gotfridus prothonotarius domini ducis et alii quam plures fide digni Datum et actum anno domini MCC nonagesimo tercio VIII idus Februarii