Charter Document - 03880312
| Charter Number: | 03880312 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1289 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Otto et Hainricus fratres dicti de Hakenberch tenore presencium profitemur quod ob remedium pie recordationis domine Jevtte auie nostre karissime de nostris proprietariis possessionibus vnius talenti redditus monasterio sancte crucis Cysterciensis ordinis Patauiensis dyocesis et fratribus ibidem deo in perpetuum seruientibus donauimus et donamus quos ante instans festum Natiuitatis domini eisdem promisimus et promittimus sub certa situationis expressione veritate presencium assignandos alioquin ciuitatem Wiennensem premisso festo natiuitatis domini intrabimus numquam egressuri donec prehabita nostra sponsio vt premissum est transeat in effectum Pro expensis quoque exequiarum auie nostre antedicte decem talenta denariorum monete Wiennensis predictis fratribus monasterii sancte crucis in festo beati Georgii proximo promisimus et promittimus nos daturos Pro cuius peccunie certitudine ampliori vnius talenti redditus de nostris proprietariis possessionibus in Moustrench sitis ex nunc nomine pignoris assignamus tali condicione interiecta quod si eandem peccuniam termino supra constituto non solueremus ex tunc iidem redditus cessante forma obligacionis monasterio sancte crucis iusto proprietatis titulo perpetuo remanebunt In cuius rei testimonium presentem litteram conscribi et sigillis patrui nostri fratris Chunradi magistri de Mevrberge ac nostro iussimus communiri Datum anno domini MCCLXXXVIIII in die sancte Elizabeth