Charter Document - 03880309
| Charter Number: | 03880309 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1289 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Otto Kadoldus et Hainricus fratres dicti de Haslowe tenore presencium significamus vniuersis fidelibus in perpetuum quod cum pie recordacionis domina Elyzabet genitrix nostra dilecta monasterio sancte crucis Cysterciensis ordinis Patauiensis dyocesis vnum mansum in Aichowe situm soluentem annuatim nouem solidos denariorum minus decem denariis et tres domos in ciuitate Prukka sitas iuxta domum quam ipsa inhabitabat cum area terminis limitibus et edificiis que inhabitatores earumdem domorum pro censu annuo possidebant iam dudum legali testamento legasset iure proprietario perpetuo permansuros nos huiusmodi salutare testamentum de consensu et voluntate vnanimi nostrorum coheredum omnium ratum habentes et gratum vnanimiter approbamus In cuius rei testimonium presentem litteram conscribi nostrorumque nec non domini Gotfridi de Wildungesmower sigillorum robore voluimus communiri cum testibus subnotatis qui sunt Irnfridus de Ekkchartsowe Gundakorus de Hauspach Sifridus de Horssendorf Otto dictus Vbelman miles Wulfingus de Haslowe miles Otto et Hainricus fratres de Deuptal Eberhardus et Hainricus fratres filii domini Eberhardi de Haslowe Nycolaus iudex in Prukka Kalohus et Vlricus antiquus iudex ciues ibidem et alii quam plures Actum et datum in Prukka anno domini Millesimo ducentesimo octogesimo nono in die beate Agathe virginis et martiris