Charter Document - 03880306
| Charter Number: | 03880306 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1288 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Rudolfus dei gracia sancte Saltzburgensis ecclesie archiepiscopus apostolice sedis legatus Emicho Frisingensis Heinricus Ratisponensis Wernherus Patauiensis Hartnidus Gurcensis Chunradus Chyemensis Chunradus Lauentinus et Liupoldus Sekoviensis ecclesiarum episcopi vniuersis presentes litteras inspecturis salutem in eo qui est omnium vera salus Cupientes christi fideles quibusdam muneribus illectiuis indulgenciis scilicet et remissionibus ad pietatis et devocionis opera inuitare vt exinde reddantur diuine gratie aptiores omnibus vere penitentibus et confessis qui in die consecracionis monasterii et noui chori sancte crucis in Austria ordinis Cysterciensis Patauiensis dyocesis et per octauam et singulis annis solummodo in die dedicacionis ibidem conuenerint et eidem ecclesie manum porrexerint adiutricem quadraginta dies de iniuncta ipsis penitencia quilibet nostrum misericorditer in domino relaxamus Datum Salzburge anno domini Millesimo CCLXXX octauo in prima vespera sancti Martini confessoris et pontificis