Charter Document - 03880304
| Charter Number: | 03880304 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Pledge |
| Date: | 1288 |
| Date type: | Assigned |
| Resource Link(s): |
Monasterium.net |
Charter:
Ego Margareta relicta domini Heinrici de Chranihperch promitto et assumo per presentes quod ego volo et debeo obtinere consensum filie mee Agnetis uxoris domini Chadoldi de Haslaw ipsiusque voluntatem super emtione quam venerabilis dominus Sighardus abbas sancte crucis ac conuentus eiusdem loci mecum et cum filio meo Ottone pro XVI talentis publice ac legitime celebrauit pro omnibus que in Chaltengang excepto prato ad castrum pertinente ad me nunc nomine dotalicii pertinent et ad predictum filium meum Ottonem et filiam meam Agnetem post excessum uite mee hereditario iure ac proprietatis titulo fuerant reuersura Promitto etiam et profiteor per presentes quod si sepe dicte filie mee Agnetis consensum non possem uel nollem aut negligerem impetere ex tunc cum filia mea predictos abbatem et conuentum inciperet impetere uel quomodo libet impedire pro prefate sume medietate videlicet VIII talentis assignaui redditus VI solidorum et X denariorum in Gundramsdorf super mansos Wichardi et Aespini sitos qui ad me dinoscuntur specialiter pertinere In cuius rei euidenciam quia sigillum proprium non habui sigillis domini Vlrici de Roer patris mei nec non Ottonis filii mei presentem cedulam placuit roborari cum testibus subnotatis qui sunt dominus Offo de Arberch Vlricus de Roer Wolfgerus et Otto filii eius Chunradus dictus Poell Vlricus dictus Maotz et alii plures