Charter Document - 03880301
| Charter Number: | 03880301 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1287 |
| Date type: | Internal, A.D. |
| Resource Link(s): |
Monasterium.net |
Charter:
Ego Wichardus senior dictus de Tribansuinchel significo tenore presencium vniuersis quod de consensu dilecti filii mei Wulvingi ac vxoris mee Richardis deliberacione et voluntate plena vendidi unum molendinum quod Grunt Mvl dicitur situm in Winsdorf quod soluit singulis annis quinque solidos in festo Michahelis quod tenet quidam nomine Marquardus et dimidium mansum ibidem soluentem tres solidos similiter in eodem festo quem tenet quidam Waltherus nomine vendidi domino Sighardo venerabili abbati et conuentui sancte crucis pro decem talentis denariorum wiennensium quos et ab ipsis recepi iure perpetuo possidenda eo inquam iure prout easdem possessiones vero proprietatis titulo tranquillo iure possidebam et possederam ab antiquo Insuper promitto et me obligo una cum filio meo per presentes me tueri et defendere easdem possessiones secundum comune ius terre et a quibuscumque inpeticionibus questionibus et expensis in predictis possessionibus promitto eos expeditos reddere penitus et indempnes In huius rei testimonium presentem litteram sigillo meo ac nobilium virorum domini Hermani de Chranperch domini Chalhochi de Ebersdorf domini Ottonis de Haslaw iunioris sigillis munitam qui et presenti tractatui intererant predictis abbati et conuentui assignaui Testes huius sunt dominus Hermanus de Chranperch dominus Chalochus de Eberstorf Otto de Roetenstain et frater suus Chadoldus frater Chvnradus de Hakenberch et alii quam plures Actum anno domini MCCLXXXVII XIII idus Decembris in sancta cruce