Charter Document - 03880300
| Charter Number: | 03880300 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1287 |
| Date type: | Internal, A.D., Feast |
| Resource Link(s): |
Monasterium.net |
Charter:
Ego Leupoldus senior dictus de Sachsengang protestor et profiteor tenore presencium vniuersis quod ego mansum vnum situm in Pabennewsidel soluentem VI solidos annuatim qui ad me iusto proprietatis fuerat deuolutus de consensu filii mei Leupoldi senioris cum esset de rebus discretis et separatis a liberis quos de presenti vxore mea domina Margareta habui abbati et conuentui sancte crucis ante quidem vendideram sed ad me in quodam concampio reuoluto eundem mansum venerabili domino abbati Sighardo et conuentui vendidi antedictis pro VI talentis denariorum Wiennensium absque contradictione omnimoda iure perpetuo possidendum Promitto insuper per presentem litteram eundem mansum cum prenominato filio meo L antedicto monasterio iuxta generalem terre consuetudinem defendere et tueri In cuius rei euidentiam hanc litteram sigillis meo proprio munitam nec non filii mei Leupoldi dedi sepe dictis fratribus cum testibus subnotatis qui sunt hii Levtwinus de Sunnewerch et Hermanus frater suus Leupoldus senior de Sachsengang Albero de Lachsendorf Wvlfingus dispensator Vlricus Newsidler et alii quam plures Datum in Gundramsdorf anno domini MCCLXXXVII in dominica palme Letare