Charter Document - 03880296
| Charter Number: | 03880296 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1286 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Heinricus dei gracia Ratisponensis episcopus presentibus profitemur quod ad instanciam dilecte fidelis nostre Richgardis relicte quondam fidelis nostri Chunradi dicti Matzo pie memorie viro discreto et nobis dilecto Stephano marschalco Austrie dicto de Missowe contulimus nomine feodi castrum Chopfsteten cum bonis aliis quibuscumque eidem Castro adtinentibus et que supradictus Chunradus Matzo a nobis et nostra Ratisponensi ecclesia noscitur in Austria tenuisse ipsumque Stephanum infeodauimus de premissis sic quod eadem vna cum prenotata Richgardi cui propter infeodationem huiusmodi in iure suo nolumus derogari debeat possidere In cuius rei testimonium presentem litteram sibi dedimus sigilli nostri robore communitam Datum in Augusta anno domini MCCLXXX sexto in crastina conuersionis sancti Pauli apostoli