Charter Document - 03880293
| Charter Number: | 03880293 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Protection |
| Date: | 1286 |
| Date type: | Internal, A.D. |
| Resource Link(s): |
Monasterium.net |
Charter:
Ego Offmia relicta domini Ottonis quondam de Perchtoldstorff profiteor tenore presentium universis quod possessiones predicti mariti mei sitas in [] quas debui tenere ad tempora vite mee et quas tantummodo post mortem meam in extremis legavit monasterio sancte crucis ex nunc pro ex tunc resigno in manus abbatis dicti monasterii scilicet domini Sighardi et conventus eiusdem loci cum omnibus ipsarum utilitatibus et proventibus [] Sciendum insuper quod eodem possessiones fuerunt domini Irenfridi de Hymberch qui eas matri mee dilecte iusto donationis et proprietatis titulo tradidit queque eas tranquillo iure possedit donec per antedictum maritum meum ab ipsa fuerunt rite et legaliter pro centum libris Wiennensibus comparate In cuius rei memoriam cum sigillum proprium non habeam presentem literam sigillis domini Ottonis de Liechtenstain camerarii Styrie et domini Chunradi de Potendorf fratris mei duxi fideliter roborandam Datum anno Domini MCCLXXXVI