Charter Document - 03880288
| Charter Number: | 03880288 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1285 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos frater S dictus abbas sancte crucis totusque conuentus ibidem significamus et protestamur tenore presencium uniuersis quod vnanimi consensu parique voto dedimus et commutauimus domino Friderico militi dicto de Wvlkendorf capitaneo in Stovtz in villa que dicitur Velwen prope Stovtz redditus XVII solidorum et XV denariorum quos tranquillo iure ab antiquo possedimus eodem simul iure et tytulo possidendos pro duobus mansis sitis in Grube qui soluunt XVIII solidos quos ipse de consensu fratris sui Vlrici et sororum suarum Gerdrudis et Geyslo nobis pro commutatione dedit iure similiter perpetuo possidendos prout in priuilegio super predicto contractu plenius est expressum In cuius rei perpetuum monimentum presentem litteram dedimus cum sigilli nostri munimine et testibus subnotatis quorum nomina sunt hec Frater Erchengerus cantor frater Hainricus dictus horologista frater Rapoto cellerarius frater Marquardus infirmarius frater Georgius A parte autem contraria dominus Stephanus de Myssowe dominus Hadmarus de Sunneberch Vlricus de Pirbovm Heinricus de Proitenweit Vlricus Osterman Albero de Sweinwart Chadoldus de Entzensdorf et alii quam plures Acta sunt hec anno domini MCCLXXXV X kalendas Junii