Charter Document - 03880282
| Charter Number: | 03880282 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1285 |
| Date type: | Internal, A.D., Calendar |
| Resource Link(s): |
Monasterium.net |
Charter:
Quoniam tempora suis momentis instar fluminis decurrencia res perpetua plerumque dignas memoria obliuionis morbo corrumperent si non e contra prvdens sollercia modernorum ea que geruntur in tempore scripturarum ac testium robore perhennaret hinc est quod ego Albertus dictus de Weyden tenore presencium profiteor et protestor quod de consensu fratris mei Lanzelet et vxoris sue Elizabet filiorumque suorum Dietrici et Jacobi nec non et sororis mee Chvonigundis mansum vnum situm in Bettzelndorf soluentem annuatim vnum purchmut tritici et vnum purchmut auene et quinque solidos denariorum quem iure hereditario ac proprietatis titulo a retroactis temporibus possedi libere et quiete sub eadem proprietatis ac libertatis forma qua tenui domino Sighardo venerabili abbati et conuentui monasterii sancte crucis ordinis Cysterciensis pro XXIIII libris denariorum vendidi legitime possidendum promittens vna cum fratre meo ceterisque amicis meis memorato abbati et conuentui eundem mansum secundum ius terre ab omni inpeticione que alicuius violencia indebite suboriri posset in posterum defendere et tueri Verum quia sigillum proprium non habui presentem litteram predictis fratribus conscribi volui et tradidi comunitam sigillo domini Chvnradi de Pylhiltdorf cum testibus subnotatis quorum nomina sunt hec Dominus Chvnradus de Pilhiltdorf Rymboto dictus Celevb Chvnradus miles dictus de Praytenveld Grifo filius Ottonis Ulricus de Weyderveld Chvnradus an dem Harmarcht Hainricus de Preytenveld Vlricus de Cogelprun et alii quam plures Acta sunt hec anno domini MCCLXXXV XVI kalendas Octobris