Charter Document - 03880277
| Charter Number: | 03880277 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1284 |
| Date type: | Internal, A.D. |
| Resource Link(s): |
Monasterium.net |
Charter:
Nos Minhardus Tirolis et Goricie comes Aquilegensis Tridentine ac Brixinensis ecclesiarum aduocatus ducatus Karinthie et Karniole dominus tenore presentium recognoscimus et confirmamus monasterio sancte crucis in Austrie partibus sito ordinis Cisterciensis iura singula et uniuersa que dictum monasterium a multis retroactis temporibus ab illustribus principibus pie recordationis Bernhardo et Vlrico Karinthie ducibus dinoscitur habuisse quemadmodum ipsorum publica instrumenta super eisdem iuribus et ubertate confecta lucide protestantur Vnde cum pocius augmentare quam diminuere intendamus iura et libertates dicti monasterii mandamus singulis et vniuersis iudicibus mutariis et officiatis nostris qui nunc sunt uel qui pro tempore fuerint vt dicto monasterio et fratribus eiusdem oleum et alia queque victualia si qua per districtus nostros et loca mutaria ad usus suos deduxerint sine omni vexactione et inpedimento ac etiam sine exactione mute uel pedaii cuiuslibet sinant libere pertransire In huius igitur confirmationis plenam firmitatem presentes ipsi monasterio dari iussimus nostri sigilli robore consignatas Actum et datum Wienne anno domini Millesimo ducentesimo LXXX quarto VIII die mensis Decembris indictione duodecima