Charter Document - 03880275
| Charter Number: | 03880275 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1284 |
| Date type: | Internal, A.D., Calendar |
| Resource Link(s): |
Monasterium.net |
Charter:
Nos Hainricus dictus de Chvnring significamus tenore presentium vniuersis quod cum pro quodam manso sito in Prunsendorf inter uenerabilem virum dominum S abbatem sancte crucis ex una parte et quemdam seruientem nostrum Liupoldum cognomento Rvd questio siue contentio uerteretur tandem coram nobis predicte amicabiliter conuenerunt partes quod prenotatus L recognoscens ius ecclesie sancte crucis promisit et assumpsit a data presentium in proximo festo Pasche dare duo talenta denariorum et deinceps in perpetuum de manso de quo questio uertebatur in signum proprietatis duodecim denarios soluere annuatim in festo beati archangeli Michahelis duo vero talenta vna vice tantum hoc est in proximo Pasche festo et non ultra nobis soluet Promisit insuper predictus L quod infra unius anni terminum redditus vnius talenti comperabit qui ob remedium progenitorum suorum et suam propriam salutem ad sanctam crucem post mortem suam libere pertinebunt in cuius etiam rei euidentiam de eodem talento seruiet duodecim similiter denarios Michahelis ad tempora uite sue nisi quod absit ab emptione predictorum reddituum causa legitima perhiberet Testes huius rei sunt H de Chvnring Hermannus de Svnnberch Albero de Witra Ulricus de Pergaw Hertingus de Velsperch et filius eius Bartholomeus Chvonradus et Stephanus de Sitzendorf fratres Chvnradus Siegel Fridericus de Ponichel Actum Wienne anno domini MCCLXXXIIII XIII calendas Marcii