Charter Document - 03880269
| Charter Number: | 03880269 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1283 |
| Date type: | Internal, A.D., Calendar |
| Resource Link(s): |
Monasterium.net |
Charter:
Ego Liupoldus de Sahsengange scire cupio presencium quoslibet inspectores quod cum annis singulis de Talarn curia fratrum monasterii sancte crucis calceos quatuor duosque currus exigerem et ipsi fratres michi de vinea dicta Schenk trium vrnarum ius montanum annuo censv tenerentur persoluere acceptis demum duobus talentis denariorum a predictis fratribus et nichillominus LX denariorum redditibus in Pabensnivsidel duas vrnas predicti iuris montani relaxaui et ab omni deinceps exaccione duorum calciorum et currus vnius conquiescens duorum dumtaxat calciorum nec non currus vnius dono contentus nichil vltra me iuris huiusmodi vendicaturum spondeo presencium veritate Amplius vero cum venerabili domino Heinrico abbate dicti monasterii nec non conuentu eiusdem assumens negocii accedente voto et assensu filii mei Livpoldi quem de prima coniuge mea genui redditus VII solidorum minus X denariorum in Pfafsteten sitos et ad predictum filium meum Livpoldum hereditarie proprietatis titulo pertinentes pro X talentis denariorum venumdedi ad predictos dominum abbatem et conuentum perpetuo deuoluendos Et ne future alicuius suspicionis locus remaneat ego et predictus filius meus Livpoldus cuius ipsa possessio proprietas exstitit non solum aduocacie verum eciam cunctis iuribus que in eadem habebamus possessione abrenunciamus secundum omnem comunis iuris formam predictam possessionem vt antedicto monasterio quieta semper permaneat nos defensaturos fideliter pollicemur Ceterum si quod absit morte vtriusque nostrum interueniente deffensio in irritum caderet predictis abbati et conuentui VII solidorum et X denariorum redditus in Gvndramsdorf pro recompensa deffectuum in antedictis redditibus assignaui Et quia de vinea Schenk dicta de qua mencionem prehabuimus vrna iuris montani michi remanserat nam duas vrnas eiusdem iuris montani de illa vinea priorum conuencio michi abstulerat istam quoque terciam eiusdem iuris vrnam presenti conuencione perpetuo relaxaui Super hoc igitur contractu predicto monasterio hanc litteram conscripsi sigillis meo nec non domini Johannis de Merswanch communita idoneis subnotatis testibus quorum nomina sunt subscripta Dominus Otto de Haslowe dominus Otto de Perhtoldsdorf dominus Hermanus de Wolfkersdorf Otto et Chadoldus fratres de Haslowe Wichardus de Tribanswinchel et alii quam plures Actum anno domini Millesimo dvcentesimo LXXXIII pridie idus Februarii