Charter Document - 03880268

Quoniam uniuers que fiunt sub sole mutabilitati subiecta uel iugi euolucione temporum e memoria dilabuntur hominum uel plerumque iniquorum calumpniis subuertuntur multum confert si scriptorum monumentis et ueritate testium perhennentur Nos igitur Otto de Haslowe notum facimus tam presentibus quam futuris quod cum carissimam nobis dominam Agnetem sororem Gertrudis dilecte coniugis nostre in monasterio sancti Nicolai eternorum premiorum intuitu locaremus altioris munus fauoris ostendentes in ipsum monasterium ex monitu et uoluntate predicte domine Gertrudis uxoris nostre quinque talentorum redditus in Holebrunne sitos ad nos certissimo proprietatis iure pertinentes cum omni seruitio quod uulgo Weisoed dicitur quod ad eosdem redditus dinoscitur pertinere accedente uoto et assensu quorum hoc facere intererat donatione legitima et libera eidem contulimus monasterio eo quo nos iuste proprietatis possedimus titulo in perpetuum possidendos Abrenunciamus quoque non solum iuri aduocacie uerum etiam cunctis iuribus que in eisdem redditibus dinoscimur hactenus tenuise Et ne ulla ex parte nostra hec uacillet donatio secundum communem iuris formam predictos redditus dominabus prenominati monasterii defensaturos ueritate nos presentium obligamus Ceterum si quod absit aliqua suborta occasione nostra minus utilitatis afferret defensio quidquid dampni defectus negligentie in pretactis adcreuerit redditibus alios quinque talentorum redditus in Svbenprunne superiori sitos loco pignoris quod uulgo Ebentivor dicitur dominabus predicti monasterii deputamus ita ut penes easdem dominas potestas maneat de cunctis redditibus in Svbenbrunne positis ad nos proprie pertinentibus quinque talentorum redditus eligendi quibus resarciantur dampna que in redditibus in Holebrunne positis dominas contigerit quod non credimus experiri Et ne nostram hanc donationem ulla in posterum ledat calumpnia presentes litteras sigillis domini Ottonis senioris de Haslowe patris nostri nec non domini Ottonis de Perchtoldestorf camerarii Austrie et domini Rimberti de Ebersdorf et nostro communitas predicto monasterio dedimus ydoneis subnotatis testibus quorum nomina sunt subscripta Dominus Levtoldus de Chunringe dominus Stephanus de Meissowe dominus Hadmarus de Svnnenberch dominus Chunradus de Pilichdorf dominus Hermannus de Wolfgersdorf dominus Chalhous de Ebersdorf dominus Gotfridus de Wildungesmavr et alii quam plures Actum anno domini Millesimo Ducentesimo Octogesimo III Pridie idus Martii