Charter Document - 03880264
| Charter Number: | 03880264 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1281 |
| Date type: | Internal, A.D., Calendar |
| Resource Link(s): |
Monasterium.net |
Charter:
Quoniam seculi huius adeo inualuit malicia ut donaciones seu acciones pie in religiosos presertim collate calumpniis facillime pateant plurimum confert si veritate scriptorum posterorum memorie commendentur Nos igitur Wernhardus et Heinricus fratres de Schowenberch scire volumus presencium quoslibet inspectores quod cum non solum antiquissime consuetudinis longa prescriptione verum etiam certo iuris deffendente titulo coloni et vniuersitas habitatorum de Svltz inferiori greges suos per villam nostram Svltz superiorem pascua minare soliti fuerint nonnulli procuratores nostri super eadem villa constituti hanc ipsam libertatem eisdem adimentes [] illicitam in contencionem trahentes homines illos plenum ius habentes sine debito grauauerunt Quod cum viri venerabiles dominus Heinricus abbas et conuentus monasterii sancte crucis ad quos eadem villa Sultz inferior proprietatis iure spectare dinoscitur sub forma querelacionis ad nos retulissent auditis euidenter et probatis eorum in hac parte iuribus veritate presencium protestandum duximus quod predicti coloni eorum de Sultz inferiori liberam gregum suorum stratam que vvlgo vietrift dicitur per villam Svltz superiorem perpetuo habere debeant pleno iure Ad maiorem vero fauoris nostri demonstranciam protestacionem quam scripto tulimus ex assensu liberorum mei Wernhardi videlicet Wernhardi nec non Heinrici et omnium hereditaria successione nos vtrimque contingencium in eternam uertimus donacionem dantes perpetuo habitatoribus Svltz inferioris plenissimam libertatem eiciendi greges suos ad pascua per medium ville Svltz superioris strata publica nullo penitus obsistente Vt vero hec nostra donacio perpetuam firmitatem obtineat presentes litteras sigillis nostris communitas abbati et conuentui sancte crucis ac predictis colonis eorum in Sultz dedimus testibus subnotatis quorum hec sunt nomina Otto de Haselowe Otto de Pertholdsdorf Chunradus de Pottendorf Rimbertus et Chalhous fratres de Ebersdorf Hertnidus miles de Trowen Otto de Aich miles Liutoldus de Mitterberch Hugo de Sultz et alii quam plures Actum anno domini Millesimo ducentesimo octogesimo primo decima kalendas Maii