Charter Document - 03880258
| Charter Number: | 03880258 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1280 |
| Date type: | Assigned |
| Resource Link(s): |
Monasterium.net |
Charter:
Notum sit omnibus hanc literam inspecturis quod ego Trvtwinus de Droschirichen a domino meo H venerabili abbate sancte crucis mihi et vxori mee Perthe ad vite vtriusque nostrum precio VII talentorum denariorum de consensu conuentus eiusdem monasterii quandam vineam dictam Aichoernl sitam in monte Phafsteten comparaui possidendam hoc adiiciens spontanea voluntate quod vinea mea eidem vinee contigua quam iure proprietario possedi et possideo post meum et dicte vxoris mee decessum vna cum vinea quam a predicto abbate ut premissum est suscepi possidendam ad domum sancte crucis transire debeat perpetuo eidem monasterio permansura nisi forte tam legitimam paupertatis necessitatem quod absit vtrumque nostrum incidere contigeret quam alias nisi per distractionem prefate vinee releuare aliquatenus non possemus super quo tamen primitus memoratum dominum abbatem promisimus requirendum Item sciendum quod qualescumque post nostrum decessum predicte vinee inuente fuerint culte uel inculte siue instante vindemio ad predictam domum cum suis transibunt usibus ut in presens placitum voluntarie est deductum Item sciendum quod quandocumque constitutum nobis censum X solidorum wiennensium denariorum de quodam predio dicto Hurbnowe quod sub premissa condicione vna cum vxore mea predicta videlicet ad dies nostros ab abbate et conuentu premisso possedimus prefixo nobis die videlicet festo Mychahelis non solueretur ex tunc predictum predium cessante donacione nobis facta libere reuertetur In cuius rei euidenciam litteram hanc sub sigillo domini W decani de Droschirchen conscribi placuit et muniri