Charter Document - 03880256
| Charter Number: | 03880256 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1279 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
Rudolfus dei gracia Romanorum rex semper augustus vniuersis presentes litteras inspecturis graciam suam et omne bonum Nobis pro tribunali sedentibus feria sexta post festum beati Viti et Modesti martirum ad instanciam honorabilis abbatis sancte crucis Cysterciensis ordinis quesitum extitit et per omnium nobilium et fidelium astantium sentenciam comunem obtentum quod idem abbas [in communi loco] in Gundramsdorf in quo operarii conducuntur qui vulgariter Mietstat dicitur possit non obstante contradictione cuiuslibet operarios suos conducere pro suis vineis excolendis ac aliis faciendis operibus prout sibi et suo monasterio nouerit expedire Vnde nos ex plenitudine regie potestatis sentenciam huiusmodi approbantes vniuersis et singulis firmiter inhibemus ne quis contra tenorem dicte sentencie ipsum abbatem et suum monasterium in conductione operariorum suorum in loco predicto vel alibi audeat aliqualiter impedire In cuius rei testimonium presens scriptum maiestatis nostre sigillo iussimus comuniri Datum Wienne XIIII kalendas Julii indictione VII anno domini MCCLXXIX regni vero nostri anno VI