Charter Document - 03880253
| Charter Number: | 03880253 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Release |
| Date: | 1279 |
| Date type: | Internal, A.D., Feast |
| Resource Link(s): |
Monasterium.net |
Charter:
Nos Pabo dei gracia prepositus ecclesie Niwenburgensis totumque ibidem capitulum scire volumus presencium quoslibet inspectores quod curiam nostram in villa Simoninge sub titulo proprietatis monasterio nostro adtinentem et sub censu sex denariorum annuo iure nobis deseruientem quam Ditrico et Starchando fratribus filiis Nevzlini sub forma merite promocionis contuleramus ad ipsorum instanciam domino Heinrico venerabili abbati monasterii sancte crucis et conuentui loci eiusdem pro quatuor libris denariorum monete wiennensis vendi consensimus omni iuri quo ipsam possedebamus curiam abrenunciantes titulumque proprietatis quo nobis adnectebatur ad dictos abbatem nec non perpetuo transferentes Quidquid igitur vel nos vel dicti clientes nostri sub quacumque forma in illa possessione habebamus iuris eterna libertate in monasterium sancte crucis deuoluimus presencium veritate Ne vero ulla in posterum huius acti suboriri possit calumpnia presentem litteram sigillis nostro et conuentus nostri comuniuimus testibus idoneis subnotatis quorum hec sunt nomina Chunradus iudex de Enzeinsdorf Sifridus Schutwrfel ciuis wiennensis Hugo Mango Ditricus de Enzeinsdorf dictus Swager et alii quam plures Actum anno domini Millesimo Ducentesimo LXXVIIII sub die sancti Ruberti episcopi