Charter Document - 03880250
| Charter Number: | 03880250 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1279 |
| Date type: | Internal, A.D. |
| Resource Link(s): |
Monasterium.net |
Charter:
Ego Marquardus de Streitwisen dictus scire uolo presentium quoslibet inspectores quod mansum dimidium in villa que Wotzlinstorf nominatur situm in forma proprietatis sub quieta et libera possessione michi adtinentem dilectorum michi Heinrici filii mei nec non consortis mee Petrisse et Alhaidis filie mee ex eadem presertim cum in hac re heredes seu coheredes alios non habuerim voto et assensu in id ipsum concurrentibus fratribus monasterii sancte crucis Cisterciensis ordinis Patauiensis dyocesis pro decem talentis denariorum wiennensis monete publica venditione venundedi cum quibuslibet usibus sub eterno proprietatis titulo possidendum Quodsi quis hanc actionem vtrimque rationabiliter completam calumpniis sev quolibet alio modo infirmare temptauerit veritate presentium predictis fratribus una cum filio meo Heinrico predicto deffensionem prestituros nos pollicemur ad publici iuris formam Vt vero dicta venditionis mee actio rata perseueret presentem litteram sigillis domini Ottonis de Haslow nec non et meo comuniui testibus idoneis nichillominus subnotatis quorum hec sunt nomina Stephanus de Missowe Vlricus Marquardus Chunradus fratres dicti de Pilihtorf Otto de Perhtoldstorf Aloldus et Wulfingus de Kiowe Heinricus Chunradus Siboto fratres de Pottendorf Heinricus ciuis in Gorsa et alii quam plures Actum anno domini MCCLXXIX