Charter Document - 03880242
| Charter Number: | 03880242 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1277 |
| Date type: | Internal, A.D., Feast |
| Resource Link(s): |
Monasterium.net |
Charter:
Notum sit omnibus tam presentibus quam futuris quod ego Hadmarus de Arnstain pro commutacione quorundam bonorum in Voitsowe soluencium annuatim dimidium talentum denariorum que pie memorie Bertholdus frater meus pro anime sue remedio legauit domui sancte crucis dedi domino Heinrico eiusdem loci uenerabili abbati et fratribus ibidem in perpetuum deo seruientibus de meis proprietatibus duas areas unam sitam in loco qui uocatur zeirech soluentem annuatim sexaginta denarios duos pullos et duos caseos et alteram sitam sub castro Rauheneke in loco qui uulgariter dicitur ovf der Leiten soluentem annuatim quadraginta denarios cum suis usibus perpetuo permansuros et pro eo quod minus est in premissorum equipollencia renunciaui et renuncio cuidam iuri quod stadreht uulgus nominat pro quo abbatem et fratres premissos in quodam molendino sito apud aquam Swechnt impetebam ita quod nec a me nec a meis heredibus sev coheredibus quibuscumque numquam ammodo talis impeticio moueatur In cuius rei testimonium litteram hanc pro munimine perpetuo tradi placuit mei sigilli robore conmunitas cum testibus subnotatis qui sunt dominus Otto Tuerso Ulricus de Ror Vlricus Matzo Wulfingus frater meus Wikardus de Tribanswinchl et alii quam plures Actum et datum anno domini MCCLXXVII in festo beati Laurentii martiris