Charter Document - 03880241
| Charter Number: | 03880241 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1277 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
Rudolfus dei gracia Romanorum rex semper augustus vniuersis sacri Romani imperii fidelibus presentes litteras inspecturis volumus esse notum quod nos donacionem seu graciam religiosis viris abbati et conuentui monasterii sancte crucis in Austria deuotis nostris dilectis ab illustri Gertrudi quondam ducissa Austrie in anime sue remedium de consensu Friderici nati sui factam hanc videlicet quod iidem abbas et conuentus nichil racione iuris montani de vino suo in Talarn et Engilschalsdorf soluere teneantur prout in litteris ipsius G quondam ducisse planius continetur expressum ex regalis munificencie nostre gracia ratam habemus et gratam eandem donacionem seu graciam presentis decreti munimine auctoritate regia nichillominus confirmantes In cuius ratihabitionis et confirmacionis testimonium et perpetui roboris firmitatem predictis abbati et conuentui has litteras tradimus maiestatis nostre sigilli munimine roboratas Datum Wienne XV kalendas Februarii indictione V a anno domini MCCLXXVIl regni vero nostri anno quarto