Charter Document - 03880240
| Charter Number: | 03880240 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 1277 |
| Date type: | Internal, A.D., Calendar, Regnal |
| Resource Link(s): |
Monasterium.net |
Charter:
Rudolfus dei gracia Romanorum rex semper augustus iudicibus ac theloneariis suis vniuersis citra Danubium constitutis graciam suam et omne bonum Fidelitatem vestram scire volumus quod nos ad instar et similitudinem felicis memorie F ducis Austrie religiosis viris abbati et conuentui monasterii sancte crucis in Austria Cisterciensis ordinis deuotis nostris dilectis concessimus et ex regalis gracie plenitudine liberaliter indulgemus quod nauis uel naues tria talenta nudi salis que venerabilis Salzburgensis archiepiscopus princeps noster karissimus predictis abbati et conuentui annis singulis conferre solet deferentes ab omni muta et exactione libere transeant et secure vniversis et singulis vobis precipientes firmiter et districte ne quis vestrum de eodem sale contra huiusmodi gracie nostre tenorem quicquam exactionis uel mute nomine exigat uel requirat sed pocius predictas naues sine omni exaccionis incommodo et solucione mute transire libere paciatur In cuius testimonium presentes litteras maiestatis nostre sigillo iussimus communiri Datum Wienne XVI kalendas Februarii indiccione V a anno domini MCCLXXVII regni vero nostri anno quarto