Charter Document - 03880235
| Charter Number: | 03880235 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1277 |
| Date type: | Internal, A.D. |
| Resource Link(s): |
Monasterium.net |
Charter:
Quoniam omnis homo vivens super terram ex fallacis mundi seductricibus divitiis nil amplius consequitur nisi quod sequitur eum opus suum coram districto iudice pro qualitate meritorum remuneratorium vicissitudine premiorum idcirco pateat omnibus tam presentibus quam posteris per hec scripta quod ego Hertnidus de Liechtenstain viam universe carnis ingressurus super excessibus iuventutis mee tactus poenitudine cordis intrinsecus quod propriis meritis poterat denegari religiosorum virorum interventibus assequi me sperans ipsorum devotionem elemosynis mihi studui comparare Inter cetera igitur immo principaliter ante cetera ultime ordinationis mee testamenta que viva voce deliberato animo et sana mente facta coram imperiali excellentia principum sententia iusta legali et valida undique approbavi monasterio sancte crucis Cisterciensis ordinis ubi circa ceteros meos progenitores locum elegi sepulture legavi liberaliter et tradidi de meis empticiis proprietatibus redditus [] fratribus ibidem deo in perpetuum servientibus iure proprietario pro plenarii servitii prandio quod eis de ipsis redditibus annis singulis [] Ad confirmationem predictorum omnium hoc conficiens instrumentum sigilli mei munimine roboratum memoratis fratribus ipsum tradidi Datum ab incarnatione domini MCCLXXVII