Charter Document - 03880231
| Charter Number: | 03880231 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1276 |
| Date type: | Internal, A.D., Feast |
| Resource Link(s): |
Monasterium.net |
Charter:
Ad eliminandam a sedibus pacis et concordie matrem licium iurgiorumque nutricem discordiam antiquorum sapiens et infallibilis industria propter ueritatis agnitionem clariorem rerum gestarum ordinem stilo alligari uoluit et muniri Huius rei causa omnibus tam presentibus quam futuris innotescat quod ego Otto dictus de Arnstain viam uniuerse carnis ingressurus in testamento mortis de consensu et uoluntate uxoris mee Gertrudis filiorum meorum Chunradi Sibotonis et Heinrici filiarumque Agnetis et Helene monasterio sancte crucis fratribusque ibidem deo in perpetuum seruientibus legaui pro remedio anime mee de meis proprietatibus molendinum quoddam situm apud curiam que Stainhof dicitur soluens annuatim unum talentum denariorum in festo beati Michahelis eisdem fratribus iure proprietario cum suis usibus permansurum in perpetuum conditione huiusmodi interiecta quod predictis fratribus annis singulis in die anniuersario obitus mei pro ampliori deuotione circa meam rememorationem in cordibus eorum renouanda ministretur in piscibus uel aliis solaciosis cibis si pisces habere non poterunt prout vnius talenti precio poterit conueniencius procurari Et ne fratres sepe dicti deputato sibi ut dictum est solatio frustrentur cautum est et exceptum ut si quando per negligentiam hoc pretermissum fuerit ex tunc cessante donacione mea premissa dictum molendinum ad heredes meos ut antea reuertetur Nec pretereundum quod si placuerit dictis heredibus meis donacionem antedicti molendini commutare pro eo vnius talenti redditus in loco competenti memoratis fratribus assignabunt nullis perplexitatibus irretitos sed tales quales pacifice retinere poterunt et quiete Ut autem hec firma in perpetuum perseuerent cum proprium perdidissem sigillum litteram hanc conscribi iussi et sigillis domini Ottonis Tovrsonis et Hadmari de Arnstain pro perhenni munimine roboraui Sunt autem huius rei testes dominus Otto Tovrso dominus Albertus Stuchso Wulvingus et Hadmarus fratres de Arnstain Ulricus de Ror et Wolfgerus filius suus Albero Veuslo Haidenricus de Weikkerstorf et alii quam plures Actum et datum anno domini MCCLXXVI in crastino ascensionis domini