Charter Document - 03880221
| Charter Number: | 03880221 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1275 |
| Date type: | Internal, A.D., Feast |
| Resource Link(s): |
Monasterium.net |
Charter:
Ne oculus memorie puluere obliuionis fuscatur ad veritatis indaginem recutiens diuturno temporis decursu cogatur circa erroris deuia querere que futuris lucida ostendere debuit et docere Ego Kalohus ciuis in Prukka premissa declinans dispendia stilo presentis carte omnibus innotesco quod de permissione dilecte vxoris mee Matze puerorumque meorum Ottonis Margarete et Alhaidis ob eterne remunerationis premium domum meam in Prukka sitam in foro ea parte que a latere ecclesiam respicit soluentem vnum talentum denariorum annis singulis distinctis temporibus videlicet in festo beati Georii dimidium talentum et in festo beati Mychahelis dimidium talentum monasterio sancte crucis Cysterciensis ordinis tradidi perpetuo permansuram cum vsufructibus supradictis tali pacto vt si infra quinquennium per commutacionem placidam et congruam alibi vnius talenti redditus libere assignauero monasterio memorato dicta domus ad me denuo reuertatur quod si medio tempore me decedere contigerit nulla commutationis huiusmodi facultas mee vxori predicte ceterisque meis heredibus remanente traditio predicte domus in suo robore perpetuo perdurabit Sciendum quoque quod apud dictum monasterium mei corporis eligens sepulturam si proprie defuerint facultates ad tumulandum ibidem sumptibus dicti monasterii deportabor Et ut hec in suo robore perseuerent hanc litteram sigillis domini Ottonis de Haselowe capitanei in Prukka et communitatis ibidem roborari placuit testibus adnotatis qui sunt dominus Otto de Haselowe dominus Eberhardus miles procurator ipsius dominus Sifridus de Swabdorf Heinricus et Otto fratres dicti Vbelman Otto de Deuptal et alii quam plures Actum anno domini MCCLXXV in festo Penthecostes