Charter Document - 03880216
| Charter Number: | 03880216 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1274 |
| Date type: | Internal, A.D., Feast |
| Resource Link(s): |
Monasterium.net |
Charter:
Vniuersis tam presentibus quam futuris ego Rapoto filius Alberonis duxi tenore presentium declarandum quod ego de permissione vxoris mee Jvotte fratrumque meorum Vlrici et Hainrici beneplacito et voluntate mansum vnum situm in Wetzlndorf domino Heinrico venerabili abbati sancte crucis Cysterciensis ordinis totique conuentui ibidem pro XVIIII talentis denariorum vendidi sub iure proprietario quo eum quieta ubertate possedi perpetuo permansurum Et ut maior eis quiete possessionis cautela remaneat coram domino Alberone de Kornabrunne presente etiam Eberhardo de Sweinsteie officiale predictorum fratrum in villa Wetzlndorf ad manus fratris Dietmari cellerarii memorate domus seu monasterii sancte crucis ego cum vxore mea Jvtta prefata et fratribus meis antedictis nec non vnius eorum videlicet Vlrici vxore Rihtza dicta promisimus et promittimus legitime defensionis protectionem pro tempore legitimo per nos exhiberi contra quoslibet eos in predicto manso quomodo libet inpugnantes Vt autem hec rata semper consistant hanc litteram robore sigillorum videlicet domini Hermani de Wolfkersdorf et domini Alberonis de Kornabrunne eis tradidi comunitam cum testibus subnotatis qui sunt Hermanus de Wolfkersdorf Albero de Kornabrunne [] dictus Grecus de Alsse Paltramus ante cymiterium wienne Heinricus de Spangberch ciuis wiennensis Eberhardus de Sweinsteie et alii quam plures Actum anno domini MCCLXXIIII in die beati Syxti pape