Charter Document - 03880213
| Charter Number: | 03880213 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1274 |
| Date type: | Internal, A.D., Calendar |
| Resource Link(s): |
Monasterium.net |
Charter:
Fridericus dei gracia sancte Salzburgensis ecclesie archiepiscopus apostolice sedis legatus vicedomino suo Salzburge qui pro tempore fuerit graciam suam et omne bonum Venerabilis in christo pater dominus Eberhardus felicis memorie archiepiscopus Salzburgensis viris venerabilibus abbati et conuentui monasterii sancte crucis in Austria ordinis Cysterciensis propter ipsorum religionis sanctimoniam et sancte uite merita salutisque perpetue ob respectum donacionem quondam fecit trium librarum nudi salis de salina nostra in Mulbach annis singulis quoad durauerit soluendarum Cuius donacionis beneficium pretextu salutis eiusdem gracia cuius idem dominus Eberhardus tempore instituit primario ratum et gratum habentes ecce deuocioni tue damus presentibus firmiter in mandatis quatenus quandocunque prefatorum abbatis et conuentus certi nuncii ad te venerint donum salis huiusmodi exposcentes ipsis precipias et ordines vbicumque fuerimus libere assignari occasionem in aduersum nisi de specialissimo mandato nostro nullatenus habiturus Datum Salzburgi III kalendas Aprilis anno domini MCCLXXIIII