Charter Document - 03880195
| Charter Number: | 03880195 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1270 |
| Date type: | Assigned |
| Resource Link(s): |
Monasterium.net |
Charter:
Ueritatis amica simplicitas acta legitima sic geri non patitur ut postmodum aliqua interueniente calumpnia deformentur Notum sit igitur vniuersis scriptum presentis cedule cognituris quod ego Chvono habita deliberatione congrua cum consensu Gerdrudis dilecte mee coniugis cunctorumque heredem meorum a venerabili domino Heinrico abbate in sancta crvce vna cum vnanimi consensu fratrum eiusdem loci vnum mansum situm in Nuwesidel qui ad dictos spectabat fratres suscepi ipso iuris ordine quo ipsi fratres dictum mansum quondam possederant possidendum tali conditionis articulo intermixto videlicet ut de mea curia in eadem villa sita quam a Chvnrado dicto Pyber propria pecunia comparaui et de prefato manso ius ciuile ad prenominatos fratres respiciat ac ratione iuris ciuilis de sepe dicta curia et manso iam dicto in usus fratrum ecclesie sancte crucis sexaginta denarii annis singulis seruiantur Vt autem hec rata et firma gesta permaneant duorum sigillorum impensione mei scilicet et ciuium vrbis Wienne presentem paginam statui roborandam Testibus nichillominus subnotatis nomina quorum sunt hec Otto de Foro Dietmarus Hopfarius Otto iudex Chvnradus in foro Lini Paltramus ante Cimiterium Liupoldus in alta strata Wilhelmus dictus Scherant et alii quam plures