Charter Document - 03880193
| Charter Number: | 03880193 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1270 |
| Date type: | Assigned |
| Resource Link(s): |
Monasterium.net |
Charter:
Nos frater Heinricus dictus abbas sancte crucis memorie duximus omnium comendandum quod inter nos et feminam honoratam dominam Gvetam relictam viri discreti pie memorie Marquardi cognomine Vnbescheiden tradicioni cuiusdam vie adtingente vineam nostram in Prvol sitam quam idem Marquardus dum adhuc viveret fecerat domui sancte crucis post ipsius obitum contradicentem ad tale medium est deuentum quod data ei pecunia trium solidorum et aliis quibusdam muneribus accedente consensu filiorum suorum Tehentonis et Marquardi nec non ceterorum puerorum suorum dicta iam dudum via domui sancte crucis perpetuo remanebit prout per macheriam superpositam nunc predicte nostre vinee est adiuncta In cuius rei testimonium hanc litteram sub sigillis virorum honorabilium domini Ditrici decani Medlicensis et domini Chunradi de Walchunschirichen castellani ibidem scribi iussimus ipsa domina Gutta sigilla eadem huic littere procurante Sunt autem rei huius testes Otto Rauber Wolfkerus de Stainhouse Ernestus dictus Sworzl Heinricus de Sikendorf Vlricus Lonholz et alii quam plures