Charter Document - 03880185
| Charter Number: | 03880185 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1267 |
| Date type: | Internal, A.D., Calendar, Papal |
| Resource Link(s): |
Monasterium.net |
Charter:
Universis Xti fidelibus presentes litteras inspecturis Guido miseratione divina tituli sancti Laurentii in Lucina presbyter Cardinalis apostolice sedis legatus salutem in domino Quoniam ut ait apostolus omnes stabimus ante tribunal Christi accepturi prout in corpore gessimus sive bonum fuerit sive malum oportet nos diem messionis extreme misericordie operibus prevenire ac eternorum intuitu seminare in terris que multiplicato fructu colligere valeamus in coleis firmam spem fiduciamque tenentes quoniam qui parce seminat parce et metet et qui seminat in benedictionibus de benedictionibus et metet vitam eternam Cum itaque monachi sancte crucis Cisterciensis ordinis pataviensis dioecesis religione conspicui sanctitate debita in sua professione domino jugiter famulentur ac lanam suam ex animalibus suis provenientem pro vestium suarum solatio fidelibus uendam dare consueverint universitatem vestram monemus rogamus et hortamur attente vobis in remissionem peccaminum injungentes quatenus lanam que vobis a dictis fratribus tradetur nere fideliter studeatis ut per subventionem quam in hac parte dictis fratribus feceritis ad eterna possitis felicitatis gaudia pervenire Nos autem de misericordia dei et auctoritate nobis a domino papa concessa confisi omnibus vere penitentibus et confessis qui eosdem fratres juverint in premissis XX dies de injunctis ipsis penitentiis misericorditer in domino relaxamus Datum Wienne kalendas Maii pontificatus domini Clementis pape IIII anno III