Charter Document - 03880182
| Charter Number: | 03880182 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Royal |
| Charter Type(s): | Release |
| Date: | 1265 |
| Date type: | Assigned |
| Resource Link(s): |
Monasterium.net |
Charter:
O dei gracia rex Boemorum dux Austrie et Styrie et marchio Morauie dilectis fidelibus suis iudicibus prouincialibus per Austriam constitutis et vniuersis presentes inspecturis litteras graciam suam et omne bonum Cum hactenus ex diuino ut firmiter credimus munere inspirati abbatem et conuentum domus sancte crucis in Austria ordinis Cysterciensis in sinu fouerimus nostre gracie ac fauoris et in eodem uoto nostra regalis clemencia adhuc floreat et adcrescat ita ut ad honorem virginis gloriose eiusdem domus esse singularis promiserimus aduocatus volumus et fidelitati uestre damus firmiter in mandatis quatenus omnes causas querimonias actiones que contra predictum abbatem et conuentum de prediis suis a quibuscumque emerserint relinquentes in iudiciis uestris totaliter indiscussas discutiendas usque ad nostram presenciam suspendatis quia commune ius ministerialium huius terre eis fauorabiliter conferentes nec querimoniis respondere nec aliis astare volumus iudiciis nisi nostris Volentes nichillominus hanc nostram exemptionem et liberalem graciam predicto abbati et fratribus confirmare per prouinciales iudices reprimere cupientes usque ad nostram presenciam defendi precipimus ab eisdem Datum Wienne XV kalendas Aprilis