Charter Document - 03880172
| Charter Number: | 03880172 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1262 |
| Date type: | Internal, A.D., Calendar |
| Resource Link(s): |
Monasterium.net |
Charter:
In nomine sancte et indiuidue trinitatis Margareta dei gratia Romanorum regina filia ducis Liupoldi semper augusta vniuersis christi fidelibus presentibus et futuris in perpetuum Quoniam quidem obstante secularis conuersacionis habitu et honore non possumus creatori uniuersorum sollicitudine debita deseruire nec ipsius benignitati cottidianis nos supplicacionibus comendare saluberrimum arbitramur illis elemosinarum prebere subsidia qui a terrenis tumultibus sequestrati in dei seruicio deuotis orationibus ceterisque spiritualibus exerciciis sollicicius occupantur Igitur tenore presencium constare uolumus uniuersis quod nos pro remedio anime nostre parentumque nostrorum monasterio dei genitricis Marie in sancte cruce vsui fratrum deo inibi seruiencium libere contulimus ius montanum in Talarn quod ad tres carratas et decem vrnas vini maioris mensure noscitur estimatum Ne ergo temporum labente curriculo huius donacionis firmitas presumptione cuiuspiam infringatur presentem paginam sigillo nostro et adnotacione testium roboramus Testes sunt Rapoto de Valkenberch Wuluingus de Chaphenberch Chunradus de Ebersdorf Albertus de Celkingen Chunradus de Ceckingen Livpoldus camerarius Treusliebus de Altenburch et alii quam plures Datum in Chrumenowe anno domini MCCLXII Indictione quinta X kal Junii