Charter Document - 03880170
| Charter Number: | 03880170 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1262 |
| Date type: | Internal, A.D. |
| Resource Link(s): |
Monasterium.net |
Charter:
Omnibus christi fidelibus presentem paginam inspecturis Chunradus de Hintperch salutem in auctore salutis Quoniam generatio preterit et generatio aduenit propter obliuionis morbum et dubietatis scrupulum tenore presentium profiteor et protestor notumque facio tam presentibus quam futuris quod in claustro sancte crucis eligens sepulturam pro anime mee omniumque progenitorum ac heredum meorum remedio et salute nec non uxoris mee cum consensu eiusdem et liberorum nostrorum contuli ecclesie memorate duos mansos in uilla Lohe et dimidium mansum in Wulzendorf ut de prouentibus eorundem fratribus ecclesie sepe dicte in commemoratione omnium fidelium defunctorum annuatim in pane albo et meliori uino ac piscibus honesta refectio ministretur Ut autem hec nostra donatio et predicta ad honestam refectionem seruiendi conditio perpetuo maneat inconuulsa presentem paginam exinde conscribi et sigillo meo feci diligentius communiri Huius rei testes sunt Otto de Perhtolsdorf Otto Tvrso Ulricus Marquardus et Chunradus fratres de Pylchdorf Ulricus Wernhardus fratres de Wolfgerstorf Perhtoldus Toschel Otto de Foro et alii quam plures Actum anno domini MCCLXII