Charter Document - 03880169
| Charter Number: | 03880169 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1262 |
| Date type: | Internal, A.D. |
| Resource Link(s): |
Monasterium.net |
Charter:
Omnibus christi fidelibus presens scriptum inspecturis Dietricus plebanus de Medelico salutem in auctore salutis Que geruntur in tempore ne curriculo temporum per obliuionis morbum a memoria hominum elabantur scriptis solent et testibus perhennari Ea propter notum facio tam presentibus quam futuris quod ego parem et consimilem feci comutationem cum ecclesia sancte crucis tempore venerabilis abbatis Heinrici dando vnum mansum in Chaltengange nec non terciam partem vnius mansi in Phaffesteten et triginta denariorum redditus in Engelschalchesdorf pro vno manso et dimidio in Zohensunsdorf et pro duabus areis in Prvnne forma comutandi legitima atque iusta Ne uero in posterum aliqua quod absit ambiguitas ex hinc seu litigium oriri valeat presentem paginam conscriptam in eiusdem rei testimonium sigilli mei roboraui munimine testes ydoneos nichilominus subnotando Mehtfridum videlicet priorem Heinricum quondam abbatem Heinricum antiquum cellerarium Waltherum cellerarium Levpoldum Ganezze Marquardum Vnbeschaiden Marquardum officialem in Phaffesteten Vlricum officialem in Drvmawe et alios quam plures Actum anno domini MCCLX secundo