Charter Document - 03880168
| Charter Number: | 03880168 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1262 |
| Date type: | Internal, A.D. |
| Resource Link(s): |
Monasterium.net |
Charter:
In nomine sancte et indiuidue trinitatis amen Otacarus dei gratia rex Boemorum dux Austrie et Stirie et marchio Morauie omnibus christi fidelibus presentem paginam inspecturis in perpetuum Quoniam auctor omnis graue et fons largiflue pietatis ad hoc nos honorum et facultatum culmine sublimauit ut tanto uberius iuxta prophete consilium peccata nostra elemosinis et misericordiis pauperum redimamus quanto amplius in hoc mundo pre ceteris possidemus eo moniti instinctu notum facimus tam presenti etati quam successure posteritati quod nos cernentes ecclesiam sancte crucis frequenti incursu Ungarorum et Chumanorum pre ceteris cenobiis periculosius laborare volentesque conmutare pro terrenis celestia pro temporalibus sempiterna vinum quod pro iure montis in Talarn [de officio quod wartperch dicitur in wulgari] et in Engelschalsdorf nobis annuatim fratres eiusdem ecclesie persoluebant quod ad tres carratas et circa decem vrnas maioris mensure fuerat estimatum ad consilium et interuentum ministerialium nostrorum ipsis relaxauimus eorum defectibus consulendo Vt autem hec nostre relaxationis gratia ipsis perpetuo maneat inconuulsa nostreque saluti orationum suarum semper deseruiant adiumenta presentem paginam super hiis conscriptam sigilli nostri munimine ipsis fecimus roborari Huius rei testes sunt Heinricus de Chunring marschalcus Austrie Chunradus de Hintperch et Marquardus filius eius Otto de Pertoltsdorf Wocko marschalcus Boemie et capitaneus Styrie Wulfingus de Stvbenberch Vlricus de Pylihdorf Albero de Arberch Otto Turso Pertoldus Otto et Wichardus fratres de Arnstein Pertoldus de Engelschalsvelde Albertus de Celking pincerna curie et frater suus Ludewicus Chunradus de Cecking Marquardus de Gereut magister cellarii Gotfridus et Gerungus magistri montis de Wartperch et alii quam plures Actum anno domini MCCLXII