Charter Document - 03880166
| Charter Number: | 03880166 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1261 |
| Date type: | Internal, A.D., Calendar |
| Resource Link(s): |
Monasterium.net |
Charter:
Cum merito diem messionis extreme debeat vnusquisque bonis actibus preuenire ego Chvnradus Maze idipsum adtendens quantum facultatis mee fuit vineam vnam prope Paden sitam quam pecunia mea comparaui ob remedium anime mee coniugis et liberorum meorum Rudolfi videlicet et Vlrici de consensu eorundem ecclesie gloriose virginis Marie ad sanctam crucem contuli libere perpetuo possidendam In huius rei euidens testimonium presentem litteram volui communiri sigilli mei karactere roboratam cum testibus subnotatis quorum nomina sunt hec Otto Turso de Rauchenek Vlricus de Ror Albero de Paden Heindenricus de Paden Gesta sunt hec anno domini MCCLXI Tercio kalendas Marcii