Charter Document - 03880160
| Charter Number: | 03880160 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1260 |
| Date type: | Assigned |
| Resource Link(s): |
Monasterium.net |
Charter:
Notum sit omnibus tam presentibus quam futuris quod ego Chunradus dictus Hartrat ciuis wiennensis patrie celestis cupiens fieri particeps et coheres cernensque ad hanc obtinendam propria deesse merita deuoto mentis affectu de firma spei certitudine orationes fratrum deuotorum in sancta cruce ordinis Cysterciensis conparare mihi studui ut quod in me minus dignum cernitur illorum mihi precum suffragio a patre misericordiarum misericorditer condonetur Ideoque memoratis fratribus per manus dilecte vxoris mee domine Jvotte duorum talentorum redditus sitos in villa que inferius Holabrunne dicitur quos ego de propriis mihi facultatibus comparaui et quiete possedi ob remedium animarum nostrarum libere tradidi domui sancte crucis perpetuo permansuros In cuius rei perpetuam firmitatem et euidentiam cum proprio non utar sigillo presentem litteram eis tradidi sigillo honesti et fide digni viri domini Chunonis dicti magistri monete ciuis Wiennensis publice comunitam Huius rei sunt testes dominus O de Foro Palthramus ante cymiterium Palthramus dictus Vatzo Wernherus Speismaister H Spangenberger et alii quam plures