Charter Document - 03880153
| Charter Number: | 03880153 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1259 |
| Date type: | Internal, A.D. |
| Resource Link(s): |
Monasterium.net |
Charter:
Ego Otto de Perhtolsdorf camerarius Austrie omnibus presentem paginam inspecturis in perpetuum Quoniam generatio preterit et generatio aduenit propter obliuionis morbum et dubietatis scrupulum populo qui nascetur natoque notum facio quod ad peticionem et instanciam abbatis Heinrici fratrumque de sancta cruce cum consensu fratris mei Wichardi Patauiensis ecclesie uicedomni nostrarumque sororum pro animarum nostrarum omniumque progenitorum nostrorum remedio et salute contuli ecclesie memorate quidquit in Chaltengange ad nos iure hereditario pertinebat uidelicet sex mansos cum feneto et omnibus attinentiis suis et quidquit ibidem Heidenricus miles de Paden a nobis in feudo possidebat quod dicti fratres eidem commutauerunt dantes ei in Levbatsdorf vnum mansum soluentem vnum talentum et tres areas in Paden quarum vna soluit LV denarios altera XXX tertia XX Pro duobus quoque mansis in prefata villa Chaltengange qui ad ecclesiam Perhtolsdorf pertinebant dicti fratres duo talenta reddituum annualium in Prunne et Zohensunsdorf et in Ezgeinsdorf prefate ecclesie tradiderunt Item unum mansum in Mvnherstal vendidi iuste et legitime fratribus memoratis Item cum eisdem commutaui unum mansum in Eberhartsdorf et duas areas pro uno manso in Aichawe commutatione legitima atque iusta Vt autem hec emptio et commutatio et prefata donatio sepe dicto cenobio sancte crucis maneat in perpetuum inconuulsa presentem paginam conscribi et cum appensis sigillis feci diligentius communiri Huius rei testes sunt Vlricus prior de sancta cruce Heinricus cellerarius frater Rudegerus Worfler Dietricus plebanus de Medelicko Marquardus plebanus in Perhtolsdorf Otto Turso Chunradus de Hintperch Perhtoldus Otto et Wichardus fratres de Arnstain Vlricus de Weidervelde Levpoldus Ganz Marquardus Vmbshaiden et alii quam plures Actum anno domini MCCLIX feliciter