Charter Document - 03880149
| Charter Number: | 03880149 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1258 |
| Date type: | Internal, A.D. |
| Resource Link(s): |
Monasterium.net |
Charter:
Omnibus christi fidelibus presens scriptum inspecturis Margareta de Rorauwe salutem in auctore salutis Quoniam generatio preterit et generatio advenit populo qui nascetur natoque notum facio quod ego in spe remunerationis diuine cum consensu et manu filii mei ad peticionem et instanciam abbatis Heinrici et fratris Rudegeri Wurfeler contuli ecclesie sancte crucis unum mansum in Chaltengang pro anime mee et mariti mei omniumque progenitorum ac heredum meorum remedio et salute Et ut hec donatio perpetuo rata et stabilis perseueret presentem super hoc scedulam conscriptam sigillo mariti mei prefate ecclesie roboraui Huius rei testes sunt Heinricus plebanus de Ponte Heinricus antiquus cellerarius de sancta cruce Rapoto de Valchenberch Heinricus de Liehtenstain et frater suus Albertus de sancta Petronilla Ulricus Stuehse de Trautmanstorf et alii quam plures Actum anno domini MCCLVIII