Charter Document - 03880136
| Charter Number: | 03880136 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1255 |
| Date type: | Internal, A.D., Calendar |
| Resource Link(s): |
Monasterium.net |
Charter:
Omnibus christi fidelibus presens scriptum inspecturis ego Levpoldus miles de Winden salutem in eo qui est salus omnium Tenore presencium profiteor quod curiam meam et bona mea que in villa Winden iure possedi et possideo feodali pro remedio anime mee et pro beneficiis mihi impensis a conuentu pariter et abbate domui sancte crucis taliter delegaui ut nec heredes mei in filiis et filiabus nepotibus ac pronepotibus donec communi debito tollantur de medio forte mortis nullus cognatorum uel affinium meorum iuris quidpiam sibi uendicare debeat aut ualeat in eisdem Promisi etiam ut dicte ecclesie in omnibus quibus me necessarium habuerit debeam fidelitate sincerissima deseruire In cuius rei testimonium quatuor nummos in festo sancti Michahelis annuatim soluo et presens scriptum sigillis testium subscriptorum petii roborari Testes Pincerna de Habspach Otto de Haslawe Levpoldus de Wildungsmaver plebanus in prvk Heinricus Vbelmann Ditricus Stuchsso Actum anno domini MCCLV Pridie calendas Martii