Charter Document - 03880133
| Charter Number: | 03880133 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1255 |
| Date type: | Internal, A.D., Episcopal |
| Resource Link(s): |
Monasterium.net |
Charter:
Otto dei gracia Pataviensis episcopus iudicibus et mvtariis suis circa Enum uel danubium constitutis graciam suam et omne bonum Piis predecessorum nostrorum exemplis uolentes in faciendis elemosinis inherere omnibus uobis tam Patauie quam alibi constitutis iniungimus et mandamus quatinus dilectis in christo fratribus abbati et conuentui sancte crucis sales quos annuatim recipiunt de elemosina ecclesie Salzburgensis libere et quiete sine omni exactione et grauamine transire permittatis in omnibus nostris locis in sortem pensionis nostre computantes quidquid de ipsorum nauibus et salibus recipere deberitis Et ut hec nostra concessio iuxta antiqua eorum priuilegia a nullo uestrum debeat uiolari precipue cum sigillo et consensu nostri capituli sint muniti presentis scripti et sigilli nostri eos testimonio roboramus Actum anno domini Millesimo CCLV pontificatus nostri anno secundo