Charter Document - 03880132
| Charter Number: | 03880132 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1254 |
| Date type: | Internal, A.D., Calendar |
| Resource Link(s): |
Monasterium.net |
Charter:
Otackarvs dei gracia dominus regni Boemie dux Austrie et marchio Moravie omnibus presentem paginam inspecturis in perpetuum Cum progenitorum nostrorum vestigiis et piis bonorum operum exemplis debeamus et uelimus ardencius inherere eiusmodi studiis prouocati ecclesie sancte crucis que ab Hungaris et paganis grauius et frequencius est vastata duximus succurrendum donando et conferendo fratribus ibidem deo famulantibus ecclesiam in Aleht vt ius presentacionis et patronatus in ea libere et legitime debeant possidere prout nos illud ratione uxoris nostre iusto titulo noscimur possedisse Vt autem hec nostra donatio ipsis maneat inconuulsa presentem eis paginam conscribi et sigillo nostro fecimus comuniri Actum anno domini Millesimo CCLIIII XV kalendas Januarii