Charter Document - 03880130
| Charter Number: | 03880130 |
|---|---|
| Cartulary Title: | Heiligenkreuz Stiftsarchiv Urkunden 1133 - 1775 [1350] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1254 |
| Date type: | Internal, A.D. |
| Resource Link(s): |
Monasterium.net |
Charter:
Vniuersis christi fidelibus presens scriptum inspecturis ego Chalochus miles de Prvk salutem in domino Tenore presencium notum facio presentibus et posteris quod ego cum consensu vxoris mee mansum vnum in Raykental soluentem vnum talentum contuli ecclesie sancte crucis pro remedio anime mee Et vt nullus successorum vel heredum meorum in eodem manso iuris quidquam sibi valeat vendicare iustam nostram donacionem presenti scripto et sigillis testium subscriptorum feci diligencius comuniri Testes Heinricus plebanus dictus Haspler Heinricus pincerna de Habspach Otto de Haslawe Stuchsones de Trautmansdorf Vlricus videlicet Dietricus et Stephanus Vbelmanus de Prvk Otto de Lengenbach Otto de Enzeynsdorf Levpoldus de Winden Mezelinus Actum anno domini MCCLIIII